Умацаванне міжнароднага супрацоўніцтва: Генеральны пракурор Андрэй Швед сустрэўся з Паслом Ірана ў Мінску Алірэзай Санеі

У Генеральнай пракуратуры Рэспублікі Беларусь адбылася сустрэча кіраўніка нагляднага ведамства Андрэя Шведа з Надзвычайным і Паўнамоцным Паслом Ісламскай Рэспублікі Іран у Рэспубліцы Беларусь Алірэзай Санеі. 

Звярнуўшыся з прывітальным словам да Генеральнага пракурора Рэспублікі Беларусь, Алірэза Санеі павіншаваў беларускі бок з уступленнем у Шанхайскую арганізацыю супрацоўніцтва і выказаў надзею, што членства ў міжнароднай структуры будзе садзейнічаць не толькі пашырэнню шматбаковага супрацоўніцтва, але і надасць новы імпульс развіццю ўсебаковых адносін Беларусі і Ірана. 

Выказваючы дыпламату падзяку за цёплыя словы, Андрэй Швед адзначыў, што Беларусь і Іран пастаянна развіваюць палітычны дыялог, паміж дзяржавамі наладжаны цесныя сяброўскія адносіны. Іран з'яўляецца для Беларусі значным і правераным часам партнёрам, краіны паспяхова ўзаемадзейнічаюць па многіх напрамках, у тым ліку па лініі пракурорскага нагляду. 

У ходзе сустрэчы бакі абмеркавалі актуальныя пытанні развіцця прававога супрацоўніцтва генеральных пракуратур абедзвюх дзяржаў і вызначылі найбольш значныя напрамкі сумеснай работы на бліжэйшую перспектыву. 

У рамках сустрэчы Генеральны пракурор Рэспублікі Беларусь уручыў Надзвычайнаму і Паўнамоцнаму Паслу Ісламскай Рэспублікі Іран у Рэспубліцы Беларусь кнігі з серыі «Генацыд беларускага народа».

Фота: Генеральная пракуратура 

Аддзел арганізацыі міжнароднага супрацоўніцтва
галоўнага ўпраўлення каардынацыі службовай дзейнасці
Генеральнай пракуратуры