У дзень вываду войскаў з Афганістана Генеральны пракурор Рэспублікі Беларусь Дзмітрый Гара на чале дэлегацыі ведамства ўшанаваў памяць воінаў-інтэрнацыяналістаў

Генеральны пракурор Рэспублікі Беларусь Дзмітрый Гара на чале дэлегацыі з работнікаў Генеральнай пракуратуры, якія выконвалі інтэрнацыянальны абавязак, на Востраве мужнасці і смутку ў г. Мінску прыняў удзел ва ўрачыстым мерапрыемстве, прысвечаным Дню памяці воінаў-інтэрнацыяналістаў і 37-годдзю вываду савецкіх войскаў з Афганістана.











Дзмітрый Гара адзначыў важкі ўклад воінаў-інтэрнацыяналістаў у падтрыманне згоды і стабільнасці ў грамадстве, умацаванне дзяржаўнасці, а таксама патрыятычнае выхаванне маладых беларусаў.



Падкрэсліў важнасць абараняць і шанаваць памяць салдат і афіцэраў, а таксама грамадзянскіх спецыялістаў, якія ў інтарэсах агульнай вялікай краіны аддалі свае жыцці і не змаглі вярнуцца на радзіму. «Гэта навекі сумная і гераічная дата, якая ўпісана ў летапіс гісторыі, яна стала сімвалам вернасці ваеннай прысязе», – сказаў Генеральны пракурор Рэспублікі Беларусь.



На сёння ў органах пракуратуры працуе 12 чалавек, якія раней выконвалі свой воінскі абавязак у Афганістане.

Прадстаўнікі нагляднага ведамства ўсклалі вянок і кветкі да падножжа мемарыяльнага комплексу і ўшанавалі памяць загінуўшых хвілінай маўчання.



Фота: Генеральная пракуратура

Упраўленне ўзаемадзеяння са СМІ
Генеральнай пракуратуры