Генеральны пракурор Рэспублікі Беларусь Андрэй Швед сустрэўся з Мітрапалітам Мінскім і Заслаўскім, Патрыяршым Экзархам усяе Беларусі Веніямінам

Генеральны пракурор Рэспублікі Беларусь Андрэй Швед і Мітрапаліт Мінскі і Заслаўскі, Патрыяршы Экзарх усяе Беларусі Веніямін правялі рабочую сустрэчу, у ходзе якой абмеркавалі магчымасць збору ў рамках расследавання крымінальнай справы аб генацыдзе беларускага народа інфармацыі аб свяшчэннаслужыцелях, якія праявілі сябе ў гады Вялікай Айчыннай вайны.





Уладыка Веньямін распавёў пра мужнасць і доблесць многіх святароў таго часу. У прыватнасці, спыніўся на лёсе святога пакутніка Іаана (Лойкі), прэсбітэрыя Харастоўскага: «Падчас спеваў Сімвала веры ў храм уварваліся немцы. Адзін з афіцэраў прапанаваў бацюшку Іаану пакінуць храм. На што ён адказаў – «свой лёс я не адлучаю ад лёсу маёй паствы. Што будзе з імі, хай выканаецца і са мной!». Тым часам фашысты сталі сілай выводзіць з храма некалькі маладых дзяўчат і жанчын, якія пазней былі адпраўленыя на прымусовыя працы ў Нямеччыну. Калі бацька Ян заступіўся за іх, яго ўдарылі па твары. Тады ён звярнуўся з просьбай да гітлераўскага афіцэра даць магчымасць завяршыць богаслужэнне. У адказ адзін з фашыстаў кінуў яго на царскую браму. Яны адкрыліся, і сьвятар упаў перад Прастолам». Пасля чаго падарыў Генеральнаму пракурору Рэспубліку Беларусь кнігу «Ваяры духу».





У сваю чаргу, Генеральны пракурор Рэспублікі Беларусь праінфармаваў аб выданні кніг з серыі «Генацыд беларускага народа». Перадаў Уладыку звесткі аб канкрэтным злачынстве нацыстаў і іх памагатых у вёсцы Харастава Салігорскага раёна, калі разам з мірнымі жыхарамі, уключаючы грудных дзяцей, у храме быў спалены і святар. Запэўніў, што атрыманыя пры расследаванні звесткі аб святарах, якія загінулі падчас карных аперацый, а таксама змагаліся ў партызанскіх злучэннях, будуць прааналізаваны, выдзелены з агульнага масіва і перададзены Беларускай Праваслаўнай Царкве.



Кіраўнік нагляднага ведамства падкрэсліў: «Сёння ідзе вайна за сэрцы і розумы нашых людзей, асабліва моладзі. Праўда – гэта наша зброя, якая павінна выкарыстоўвацца максімальна эфектыўна. Тут не павінна быць фармалізму. Нам неабходна дагрукацца да нашых дзяцей і ўнукаў, навучыць іх крытычнаму мысленню».

Уладыка Веньямін пагадзіўся з тэзісам аб важнасці ўлічваць урокі гісторыі для выхавання маладога пакалення і фарміравання традыцыйных каштоўнасцей і арыенціраў.

Напрыканцы сустрэчы Андрэй Швед выказаў гатоўнасць да любой формы ўзаемадзеяння з Беларускай Праваслаўнай Царквой.



Фота: Генеральная пракуратура

Упраўленне ўзаемадзеяння са СМІ
Генеральнай пракуратуры