Генеральны пракурор Андрэй Швед прыняў Прысягу ў маладых пракурорскіх работнікаў і ўручыў дзяржаўныя ўзнагароды больш дасведчаным

З удзелам Генеральнага пракурора Рэспублікі Беларусь Андрэя Шведа на пляцоўцы Беларускага дзяржаўнага музея гісторыі Вялікай Айчыннай вайны адбылося ўрачыстае мерапрыемства, прысвечанае прынясенню Прысягі маладых пракурорскіх работнікаў і ўзнагароджання дзяржаўнымі ўзнагародамі больш вопытных работнікаў.

У мерапрыемстве таксама прынялі ўдзел намеснікі Генеральнага пракурора Рэспублікі Беларусь, пракуроры абласцей і горада Мінска, іншыя пракурорскія работнікі, ветэраны органаў пракуратуры, а таксама святар прыходу храма Благавернага князя Аляксандра Неўскага протаіерэй Дзмітрый Харошка.

Так, 32 упершыню прызначаныя на пасаду пракурорскіх работніка, прымаючы Прысягу, далі клятву «свята выконваць Канстытуцыю Рэспублікі Беларусь, іншыя заканадаўчыя акты і міжнародныя абавязацельствы сваёй краіны, спыняць любыя парушэнні заканадаўства, актыўна абараняць правы і законныя інтарэсы грамадзян, а таксама грамадскія і дзяржаўныя інтарэсы».

У сваім наказе маладым калегам Генеральны пракурор Рэспублікі Беларусь Андрэй Швед сказаў: «Сёння вы далі клятву служыць сумленна, служыць сваім родным і блізкім, нашай дзяржаве ды і проста самім сабе. Вы абралі няпросты шлях - шлях служэння. Гэта важна, калі чалавек сьвядома ідзе абараняць правы і законныя інтарэсы іншых людзей. Спадзяюся, што вы не зменіце свайго выбару і тыя словы, якія вы вымавілі перад тварам сваіх старэйшых таварышаў, кіраўнікамі Генеральнай пракуратуры, шаноўнымі ветэранамі і гасцямі нашага ўрачыстага мерапрыемства стануць дэвізам вашага жыцця і вы будзеце кіравацца імі кожны дзень».

Андрэй Швед перадаў кожнаму маладому калегу Кодэкс гонару пракурорскага работніка Рэспублікі Беларусь.

Айцец Дзімітрый, звяртаючыся да маладых людзей, якія прынялі Прысягу, пажадаў ім Божага благаславення ў нялёгкім служэнні Айчыне. «Вам трэба шмат чаму навучыцца. Самае галоўнае – гэта самааддана і аддана служыць таму шляху, які вы абралі. Вам спатрэбяцца сіла волі і моц духу. Гэта тая зброя, якая ў нас ёсць і якой няма ў іншых».

Затым Генеральны пракурор Рэспублікі Беларусь уручыў пракурорскім работнікам, якія вызначыліся, дзяржаўныя ўзнагароды. Выказаў удзячнасць за праяўлены імі прафесіяналізм, які дазволіў дасягнуць высокіх вынікаў у працоўнай дзейнасці.

Цёплыя словы прагучалі на адрас ветэранаў органаў пракуратуры.

У рамках мерапрыемства Андрэй Швед паразмаўляў з прадстаўнікамі сродкаў масавай інфармацыі.

Адказваючы на пытанні прэсы, ён падкрэсліў: «У працы пракурора мала быць юрыстам і прафесіяналам сваёй справы - трэба тонка адчуваць розныя сітуацыі, якія ўзнікаюць у людзей. Жыццё заўсёды мае адценні. У першую чаргу пракурор абавязаны знаходзіць варыянты вырашэння праблемы і шляхі дапамогі чалавеку. Для таго, каб гэта рабіць, неабходна, каб у пракурорскага работніка былі вера і любоў да Радзімы. Пракуроры сёння павінны глядзець шырэй, ацэньваць і разумець усе падзеі, якія адбываюцца вакол нас».

Далей Генеральны пракурор Рэспублікі Беларусь прыняў удзел у цырымоніі ўскладання кветак да абеліска «Мінск - горад-герой».

Фота: Генеральная пракуратура