Генеральны пракурор Рэспублікі Беларусь Аляксандр Канюк наведаў закрытае акцыянернае таварыства «Аўгуст-Бел» (Пухавіцкі раён), дзе азнаёміўся з работай прадпрыемства і правёў асабісты прыём грамадзян.
Заяўнікаў цікавілі пытанні выканання працоўнага заканадаўства і забеспячэння сацыяльных гарантый.
Напрыклад, адна з жыхарак п.Дружный паведаміла Генеральнаму пракурору Рэспублікі Беларусь аб тым, што, нягледзячы на павелічэнне колькасці жыхароў населенага пункта і аб'ёму ўведзенага ў эксплуатацыю жылля ў пасёлку, засталося нязменным колькасць месцаў у дзіцячым садку, школе, а таксама лекараў у мясцовай паліклініцы. Па словах заяўніка, у раёне стала вялікай праблемай трапіць да вузкіх спецыялістаў устаноў аховы здароўя.
Аляксандр Канюк уважліва выслухаў кожнага, растлумачыў нормы заканадаўства, у неабходных выпадках прыняў пісьмовыя заявы і ўзяў іх разгляд на кантроль.
Практыка выязных прыёмаў грамадзян у рэгіёнах будзе працягнутая.
Даведачна. Калектыў ЗАТ «Аўгуст-Бел» складае прыкладна 350 чалавек. Асноўны напрамак дзейнасці прадпрыемства – выпуск хімічных сродкаў абароны раслін. Геаграфія паставак - Расія, Украіна, Малдова, Арменія, Казахстан, асобныя краіны далёкага замежжа.
Фота: avgust.com
Аддзел інфармацыі
Генеральнай пракуратуры