Андрэй Швед: няўхільнасць адказнасці за проціпраўныя дзеянні будзе забяспечана

«Удзельнікі несанкцыянаваных акцый будуць прыцягнуты як мінімум да адміністрацыйнай адказнасці», – заявіў на першым пасяджэнні чацвёртай сесіі Савета Рэспублікі сёмага склікання Генеральны пракурор Андрэй Швед.

«Меры будуць накіраваны на забеспячэнне няўхільнасці адказнасці арганізатараў, удзельнікаў і каардынатараў незаконных акцый. У прыватнасці, органы ўнутраных спраў арыентаваны на аператыўную перадачу звестак аб такіх асобах у органы пракуратуры для прыняцця мер рэагавання. Практычную рэалізацыю атрымлівае правіла: прыйшоў на акцыю – будзеш прыцягнуты як мінімум да адміністрацыйнай адказнасці. Калі выявіцца, што наяўнага арсенала і сродкаў недастаткова, Генеральная пракуратура будзе хадайнічаць аб усталяванні больш строгай адказнасці за правапарушэнне супраць грамадскага парадку», – сказаў Генеральны пракурор.

Асаблівая ўвага надаецца пытанням кампенсацыі шкоды, нанесенай супрацьпраўнымі дзеяннямі. На кантроль пастаўлена пытанне аб спагнаннi расходаў, затрачаных на лячэнне супрацоўнікаў праваахоўных органаў, расходаў усіх службаў і ведамстваў, якія задзейнічаны ў забеспячэнні правапарадку і ліквідацыі наступстваў незаконных акцый. «Упэўнены, што сродкамі пракурорскага нагляду сітуацыя з устанаўленнем і кампенсацыяй такой шкоды гарадской гаспадарцы ўжо ў бліжэйшы час будзе выпраўлена», – адзначыў Андрэй Швед.

Сёння сур'ёзным выклікам з'яўляецца не толькі інфармацыя, якая распаўсюджваецца тэлеграм-каналамі з-за мяжы, але і дзейнасць так званых дваровых чатаў, дзе ствараецца альтэрнатыўнае інфармацыйная прастора і групы дэструктыўна настроеных грамадзян. «Мы павінны не толькі прыцягваць да адказнасці асоб, вінаватых у гэтых дзеяннях, але і своечасова і адэкватна рэагаваць на інфармацыйныя атакі, ўброс, супрацьпаставіць ім нашу дзяржаўную пазіцыю. Асаблівая ўвага будзе нададзена працы з навучэнцамі і студэнтамі. Належыць забяспечыць бяспеку дзяцей, у тым ліку малалетніх, ад безадказных дзеянняў бацькоў і іншых дарослых, якія дапускаюць іх прысутнасць на незаконных пратэстных акцыях. Органам унутраных спраў даручана ўстанаўліваць іх бацькоў і неадкладна даваць гэту інфармацыю тэрытарыяльным пракурорам для прыцягнення да адказнасці», – падкрэсліў кіраўнік нагляднага ведамства.

І сёння важна не дапускаць павышэння сацыяльнага напружання на прадпрыемствах, своечасова ўстараняць магчымыя перадумовы для канфліктаў у працоўных калектывах, вырашаць праблемы строга ў адпаведнасці з законам. «Пастаяннай увагі патрабуюць пытанні захавання працоўных правоў грамадзян, забеспячэння дзіцячага дабрабыту, нагляд за выкананнем заканадаўства ў розных галінах эканомікі, процідзеянне карупцыі. Сродкамі пракурорскага нагляду будуць спыняцца парушэнні закона, абараняцца інтарэсы грамадзян, грамадства і дзяржавы. Падыход будзе адзін: аб'ектыўная, заснаваная выключна на дакладных фактах прававая ацэнка дзеянняў і падзей. Але без лішняга фармалізму. Пракурорскіх праверак будзе значна менш, але яны павінны быць эфектыўнымі і значнымі», – рэзюмаваў Андрэй Швед.

Інфармацыя падрыхтавана па матэрыялах БелТА.

Фота: Генпракуратура

Аддзел інфармацыі
Генеральнай пракуратуры